繼個多星期前的 「太平山不只一個?」 http://hk.myblog.yahoo.com/jw!mn4.KeSLFQTjH36HxMKThxEx/article?mid=571 之後,
蘋果日報新聞
麥記遊戲引又再發太平山奇案：遺失的太平山？
http://hk.apple.nextmedia.com/template/apple/art_main.php?iss_id=20110108&sec_id=4104&art_id=14847793&av_id=14848135
警隊新一哥曾偉雄下星期二坐正，佢話首要目標係維持香港安全穩定。八方覺得佢絕對唔係講門面說話，眼下香港確實危機處處，就算食個漢堡包都要擔心俾人呃。八方冇誇張，最近麥當勞搞個大富翁抽獎遊戲，捲起一陣食包旋風，但食客投訴一籮籮，好唔和諧。
八方收過唔少讀者投訴，有人話麥記頭獎印花數量唔清唔楚；又有人投訴收到嘅印花，早就俾人揭開睇過，質疑有職員「做手腳」；最奇情係一位施先生，話早就拎到頭獎關鍵太平山印花，但係俾麥記職員老點，搞到 35萬信用卡簽賬額見財化水。
「畀番印花我唔會追究」
事緣施先生喺聖誕前帶三個仔女去荃灣廣場麥記開餐，食食吓讀小五嘅囡囡話：「爸爸，我哋中咗太平山呀！」囡囡又話屋企有個淺水灣印花，加埋太山平，正好符合領取頭獎 35萬元簽賬額條件。對遊戲規則唔熟悉嘅施先生即時搵麥記職員問個究竟：「個職員話好多人中 o架，唔只你一個，仲要抽獎 o架。」之後佢再問另一個職員同樣話「仲要抽獎」。
施先生自認冇抽獎命，所以唔重視張太平山印花，唔肯定當時隨手丟低抑或袋走咗，總之事後搵唔番。再過幾日，佢喺另一間麥記聽到食客討論收集印花心得，至知頭獎應該只得一份，而且毋須抽獎。佢於是拿拿聲返去荃灣廣場麥記追究，仲打埋 999報警，「但個差人話最多只能當我報失」。施先生已向麥當勞同消委會投訴，仲申請緊法援索償，「我好唔甘心，就係個麥當勞職員亂講令我冇咗 35萬」。
由於太平山印花只得一個，如果施先生所言屬實，咁一心為中獎而狂食包嘅一眾食客可以慳番唔使再食喇。施先生話：「如果有人肯畀番個印花我，我唔會追究佢係偷定係執，仲會分 10萬蚊簽賬額畀佢；如果最終冇人領頭獎，麥當勞又肯確認我係得獎人，我願意捐 10萬畀麥當勞兒童之家。」
麥記：如警調查會配合
施先生正向八達通公司索取消費紀錄，核實拎到太平山印花嘅日期同時間，希望麥當勞翻查閉路電視系統，證實佢當日曾經幫襯並且向職員查詢。麥當勞話如果警方調查，會全力配合。新一哥係 CID Man，查案有一手，呢單「太平山奇案」，唔知有冇辦法破案呢？
繼續了解, 當中有沒有「商業騙局」發生?
慈善機構營運參差 麥當勞借錢比麥當勞？
http://hk.apple.nextmedia.com/template/apple/art_main.php?iss_id=20110108&sec_id=4104&art_id=14847578&av_id=14848143
【本報訊】有民間組織抽樣調查本港 11個慈善團體及機構，並透過網站就它們的營運效率及善款用途等進行評分，認為麥當勞叔叔之家慈善基金沒有交代籌款開支詳情， 07年賬目更顯示一筆近 225萬元予麥當勞快餐店公司的「有關連公司欠款」，而且是免息及無年期，引人質疑。麥當勞叔叔之家慈善基金昨強調，並無借款予麥當勞快餐店，但需時了解該筆款項的性質。
麥當勞之家評分最低
本港法例對慈善團體監管不足，為人詬病。自稱是核數師出身的人士組織慈善機構評級網「明施慎選」，上月底從社聯監察網站「惠施網」，隨機抽出 11家本港註冊的慈善團體及機構，再按其籌款成本、效益、項目支出、職員薪酬及行政費用等，計算它們的營運及善款效益，以監察團體的營運狀況及透明度，供市民參考。
該網站發現該 11個團體機構表現參差，並給予麥當勞叔叔之家慈善基金最低分。網站負責人接受查詢時表示，麥當勞叔叔之家慈善基金的網站沒有年報及財務報告供人下載，他們於是向公司註冊處網上查冊中心購買基金的財務報告。
他們只找到麥當勞叔叔之家慈善基金的 07年財務報告， 08年和 09年的欠奉。根據 07年的報告「有關連公司欠款」（ due from a related company）一項，該基金似有一筆 225萬元的款項，以免息及沒有償還期限借予麥當勞餐廳，「明施慎選」認為須公開交代。
「明施慎選」又指，基金的員工薪酬佔整體開支三成，其他未說明的費用也約佔三成，而直接資助的慈善項目卻只佔整體支出 7%。此外， 07年盈餘錄得 411萬元，佔公開募捐善款 74%。該網站認為，這反映基金大部份善款根本未獲妥善利用。
促政府訂立《慈善法》
社工界立法會議員張國柱表示，慈善團體借錢予商業機構情況罕見，「我未聽過，而且仲要係免息同無還款期限，令人質疑當中可能有私相授受問題，佢要交代清楚」。他促請政府盡快訂立《慈善法》及加強監管慈善團體。
麥當勞叔叔之家慈善基金昨晚回應，強調他們並無借款予麥當勞公司，但需時深入了解該筆款項的詳情。該機構又稱，定期由會計師以義務性質審計報告， 08及 09年的報告正在提交中。
慈善機構評分
•國際成就計劃香港部 評分＊： 40分
•護苗基金 評分＊： 40分
•東華三院 評分＊： 40分
•願望成真基金 評分＊： 30分
•仁愛堂 評分＊： 27.5分
•寰宇希望 評分＊： 22.5分
•協青社 評分＊： 22.5分
•成長希望基金 評分＊： 20分
•聯合國兒童基金會 評分＊： 17.5分
•兒童心臟基金會 評分＊： 10分
•麥當勞叔叔之家慈善基金 評分＊： 2.5分
＊ 40分為滿分
資料來源：明施慎選 (http://www.mazeation.com)
