捐血出事, 捐完血起身行出去, 行行下隻手涼浸浸, 發覺半邊身血, 件衫好多血蹟, 條路變血路 ~
一陣起個奇門盤出來研究下 ......
出門時, 下意識起念, 突然起個盤望望, 真太陽時11:05am左右, 如下 :
2009年 9月 18日 11時5分
己丑年 癸酉月 丙寅日 甲午時
時空亡：甲午旬 辰巳空
節氣：白露上元 陰遁9局
值符天心星落6宮 值使開門落6宮
┌─ ── ─┬─ ── ─┬─ ── ─┐
│空 白虎 │ 六合 │馬 太陰 │
│ 杜門 癸│ 景門 戊│壬 死門 丙│
│ 天輔 癸│ 天英 戊│禽 天芮 丙│
├─ ── ─┼─ ── ─┼─ ── ─┤
│ 玄武 │ │ 螣蛇 │
│ 傷門 丁│ │ 驚門 庚│
│ 天衝 丁│ 壬│ 天柱 庚│
├─ ── ─┼─ ── ─┼─ ── ─┤
│ 九地 │ 九天 │ 值符 │
│ 生門 己│ 休門 乙│ 開門 辛│
│ 天任 己│ 天蓬 乙│ 天心 辛│
└─ ── ─┴─ ── ─┴─ ── ─┘
星門伏吟
出家門時一望個盤果陣已懷疑, 今天去捐血, 好似不利,
星門伏吟, 大事不宜, 日干丙在坤宮, 死門旺相又天芮旺相, 時干辛乾宮開門旺相,
幸天芮生天心為吉, 最終無事, 當時係幾驚的 ......
捐完血, 通常用棉花按住針口, 幾分鐘後止了血便可離開, 但今天好怪, 按了幾分鐘,
護士來看看時, 揭開棉花立即冒血, 護士不準我離開, 再要按多幾分鐘,
後來再揭開棉花, 止了血, 貼上膠布便可以離開, 行了十步左右, 感到隻手涼浸浸,
看一看, 條路已一滴滴血, 手掙滿晒血, 件衫右邊部腰位置好多血, 我停步後, 成地血,
立即有護理人員走來幫手, 再為我止血 ...... 又搞了十幾廿分鐘, 才真正止了血 ......
我只覺得今次個針口比以往大, 也可能是這個原因搞咁耐至止血,
一般在捐血前會篤手指, 也會驗血凝素, 如果唔合格根本就捐唔到,
今次件事係好怪, 我捐幾次血都係第一次發生 ~
好奇怪, 今次禁住針口超過5分鐘, 見標血, 再禁幾分鐘, 停佐, 貼膠布, 在貼膠布前我見針口比以往捐時大, 插針時感覺好痛, 比以前捐係痛佐, d血又出得好快 ~
貼完膠布再慢慢起身, 但行了十步左右就發現出事, 當時現場環境好狼狽, 之後需要再止血,
禁住隻手果大舊紙巾淋晒, 換了一舊紙巾再禁, 大概再搞十幾分鐘, 終於止了血 ...... 但我件衫就 ...... 血染的風彩
發生事件的同時, 已開始步離捐血椅子, 我亦把捐血時關了的手機開回,
正在忙於止血的時候, 又巧遇電話響起, 小弟一隻手滿佈血跡, 護理人員正忙於幫手止血, 另一隻手拿起手機接聽 ......
電話那邊接通後, 說:「 先生你好, 我地係大X財務公司打黎既, 唔知先生有沒有需要 ...... 」( 我可能需要人輸番血俾我 )
當時場面十分狼狽, 我真係心諗, 呢刻我已經大出血, 還要借錢來"大出血"嗎 ? ...... 之後叫佢唔好再打來, 收線 ~
所以我才反思屋企出門時望過果支卦 ...... 那天出門前心緒不安, 所以才起念看盤,
但看盤後都無因此改變取消外出, 繼續享受在外出之前已約了的師兄去打書釘,
因為順路所以順便去捐血, 小弟打出此例, 只是想說, 有時有d野, 巧合成咁 ......
個針口瘀晒, 相信"標血"事件, 似又係刺穿血管了 ...... 總之今次感覺插針果下零舍痛 ~
9月21日 send 佐個 e-mail 去捐血站個 e-mail 度將事件講佢知, 及 今早再打電話去捐血站,
我一句 : 「如果情況經常發生, d人都唔敢黎捐血啦」, 個經理好明白我的用心是希望肋人, 對方亦說很抱歉 ;
捐血站 真係 follow , 打番電話約我下晝上去, 睇下我隻手, 同俾d去瘀藥膏我喎,
我覺得佢地肯理都算好, 及真係希望將來日子, 隻手唔好又瘀晒, 因為瘀晒個位, 是會尺尺痛的,
而且那種痛, 會影響到其他位置, 例如今次, 我手背都間中有少少拉住拉住那種尺尺地的感覺 ~
9月22日去完捐血站回來, 他們肯認真面對問題, 肯 follow, 有講唔好意思,
我覺得咁樣無可能唔接受啦 ...... 無事就好了 ~
我希望未來日子, 能夠快快樂樂地捐血助人 ~
