《晚吹》成日有各行各業人士上去爆料，上一集搵空姐爆航空界秘聞，嚇到唔少人睇完驚到唔敢搭飛機咁滯！尋晚(2016年6月23日星期四)節目請咗殯儀界人士做嘉賓 ，有死人化妝師、俗稱「行街」的sales同埋負責儀式主持的堂倌。幾位嘉賓入行年資有長有短，但竟然全部都冇遇過靈異事件，反而爆咗唔少呢行鮮為人知的內幕！
幫人做喪禮統籌，究竟點樣決定收幾錢？答案原來係海鮮價！資深「行街」話收費視乎客人情況，如果有客人好慘、冇乜錢搞後事，就會收平少少；遇上名人富豪，收1、200萬係基本價！唔講唔知，原來仲有綜援價$13,940，係政府幫綜援家庭俾㗎！
花露水辟味
有時遇上多日未被發現的屍體或浮屍，點搞呢？堂倌話會用花露水或香薰辟味，但如果臭得太緊要，就唔會幫屍體化妝，直接蓋棺封膠紙，連瞻養遺容儀式都跳過！
迴避防失手
至於點解蓋棺或落葬時要家屬迴避擰轉面，原來並唔係因為生肖相沖，嘉賓爆料話係為免落葬時失手被家屬見到，先刻意叫對方唔好望！另外蓋棺時若果屍體的手腳凸出棺木，負責人會將屍體夾硬塞入去！
全文完
( 文章資料來源：《晚吹》大爆殯儀界秘密 ← 2016年6月24日星期五下午1:58 yahoo 新聞 )
【黑色幽默】殯儀業內幕，你敢唔敢聽？ ← 更多了解
殯儀業界人士 ← 節目重溫
( 以上節目連結：《晚吹：又要威又要戴頭盔》 逢星期四 23:00-23:30 )
(神棍擅長裝扮成很有智慧和滿口道德，但其實內裏不是。我會繼續揭示神棍的所作所為，令大家明白，不應該再跟隨神棍學習那些假東西，避免使自己遠離了真正的智慧。)
